საფრანგეთმა 35-ზე მეტი უწყვეტი წვიმიანი დღის რეკორდი დაამყარა. ეროვნული მეტეოროლოგიური სამსახურის, Meteo-France-ის ცნობით, ქვეყანაში 1959 წელს გაზომვების დაწყების შემდეგ ყველაზე ხანგრძლივი წვიმიანი დღეების სერია ფიქსირდება, რითაც 2023 წლის რეკორდი მოიხსნა. დასავლეთ საფრანგეთის ოთხი დეპარტამენტი წყალდიდობის რისკის გამო წითელ განგაშზეა გადაყვანილი. ოფიციალური პირები ვარაუდობენ, რომ სიტუაცია გაუარესდება ქარიშხალ პედროს მოსვლასთან ერთად, რომელიც დასავლეთ ევროპის დიდ ნაწილს დაატყდება თავს. ახალმა ნალექმა შესაძლოა „გაამძაფროს არსებული წყალდიდობები“, განაცხადა ლუსი შადურ-ფაკონმა, წყალდიდობის გაფრთხილების სამსახურ Vigicrues-ის დირექტორმა. ბორდოს მერმა, პიერ იურმიკმა, სამხრეთ-დასავლეთ ქალაქის საგანგებო გეგმა 1999 წლის რეკორდული წყალდიდობების შემდეგ პირველად გაააქტიურა. დასავლეთ ქალაქ შალონ-სურ-ლუარში, მდინარე ლუარის მარცხენა ნაპირზე, სამშაბათს საღამოს მამაკაცი უგზო-უკვლოდ დაიკარგა მას შემდეგ, რაც მისი კანოე გადაბრუნდა, – განაცხადა ოფიციალურმა პირმა ფრანსუა პესნომ. ცხრა დეპარტამენტი ნარინჯისფერ განგაშზეა, რაც სიდიდით მეორე დონეა. დაზარალებულ რეგიონებში პარასკევიდან მშრალი ამინდები დადგება, განაცხადა შადურ-ფაკონმა და დასძინა, რომ „წვიმის დასრულება არ ნიშნავს წყალდიდობის დასრულებას.“