კრემლის გზავნილი თბილისს: რუსეთი მზადაა გააფართოოს თანამშრომლობა თბილისთან და მოუწოდებს საქართველოს ხელისუფლებას, განიხილოს დიპლომატიური ურთიერთობების აღდგენის პოტენციური ეკონომიკური სარგებელი, განაცხადა რუსეთის საგარეო საქმეთა მინისტრის მოადგილემ მიხაილ გალუზინმა სახელმწიფო საინფორმაციო სააგენტო TASS-თან ინტერვიუში. საქართველომ და რუსეთმა დიპლომატიური ურთიერთობები 2008 წლის აგვისტოს ომის შემდეგ გაწყვიტეს. მას შემდეგ ეკონომიკური კავშირები თანდათან აღდგა, თუმცა პოლიტიკური დიალოგი შეზღუდული რჩება. სწორედ ამ ფონზე მოდის კრემლის გზავნილი. მიხაილ გალუზინმა აღნიშნა, რომ „მოსკოვი ღიაა რუსეთ-საქართველოს კავშირების გაფართოებისთვის“ და ეკონომიკური თანამშრომლობა პროცესის მთავარ მამოძრავებელ ძალად მოიხსენია. მისი თქმით, რუსეთთან თანამშრომლობა საქართველოს „უპრეცედენტო ეკონომიკური“ აღდგენის ერთ-ერთი მთავარი ფაქტორია. საგარეო საქმეთა მინისტრის მოადგილემ დასძინა, რომ ორ ქვეყანას შორის პოლიტიკური დიალოგის არარსებობა „მკვეთრად ეწინააღმდეგება“ ეკონომიკურ დინამიკას და ვარაუდობს, რომ მიღწევები შეიძლება კიდევ უფრო დიდი იყოს დიპლომატიური ურთიერთობების აღდგენის შემთხვევაში. „ეს მათი არჩევანია“, – განაცხადა გალუზინმა საქართველოს მთავრობაზე საუბრისას და დასძინა, რომ მოსკოვი მზადაა გააფართოოს თანამშრომლობა იქ, სადაც ორმხრივ სარგებელს მოიტანს. მარია ზახაროვა: „პოლიტიკური დიალოგის განახლების საფუძველი ჯერ კიდევ არ არსებობს“ ინტერვიუში გალუზინმა ასევე შეაქო საქართველოს ამჟამინდელი მთავრობა და განაცხადა, რომ ის ცდილობს „ქვეყნის სუვერენიტეტის აღდგენას“. ამავდროულად, მან გააკრიტიკა მიხეილ სააკაშვილის წინა მთავრობა, რომლის პოლიტიკა, მისი თქმით, მიმართული იყო საქართველოს დასავლეთისკენ გადასაწყობად რუსეთთან თანამშრომლობის ხარჯზე. გალუზინმა ასევე აღნიშნა, რომ ქართულ-რუსულ ურთიერთობებს „ბუნებრივი ხასიათი“ აქვს და „სულიერ ერთიანობასა და მრავალსაუკუნოვან ისტორიულ და კულტურულ კავშირებზეა დაფუძნებული“, რაც, მისი მტკიცებით, ეწინააღმდეგებოდა იმას, რასაც იგი დასავლურ ნარატივს უწოდებდა, თითქოს ასეთი ურთიერთობები მოსკოვის მიერ ხელოვნურად იყო დაწესებული. მან დასძინა, რომ ორ ქვეყანას შორის სავაჭრო ბრუნვამ 2025 წელს რეკორდულ 2.7 მილიარდ დოლარს მიაღწია. გალუზინმა ასევე დეტალური ციფრები წარმოადგინა რუსეთის ბაზარზე ქართული პროდუქციის წილის შესახებ: „ქართული ღვინის ექსპორტის ორი მესამედი ჩვენს ბაზარზე მოდის, მისი სპირტის – ნახევარზე მეტი, მინერალური წყლის – 40% და ხილის – 90%. რუსეთი, თავის მხრივ, ხორბლისა და ნავთობის წამყვანი მიმწოდებელია საქართველოსთვის. მსგავსი ვითარებაა ტურიზმის ინდუსტრიაშიც, რაც გადამწყვეტია საქართველოსთვის. თითქმის ყოველი მეოთხე ტურისტი ჩვენი ქვეყნიდან მოდის. ვფიქრობ, რუსეთთან თანამშრომლობა საქართველოს უპრეცედენტო ეკონომიკური ზრდის ერთ-ერთი მთავარი ფაქტორია“, – განაცხადა გალუზინმა. საგარეო საქმეთა სამინისტროს მონაცემებით, საზღვარგარეთ 1.5 მილიონზე მეტი საქართველოს მოქალაქე ცხოვრობს. კრემლის გზავნილი თბილისს პუბლიკაციებში გამოყენებული ტოპონიმები და ტერმინოლოგია, აგრეთვე მათში მოყვანილი შეხედულებები, მოსაზრებები და სტრატეგიები სულაც არ ასახავს JAMnews-ის ან მისი რომელიმე თანამშრომლის შეხედულებებსა და მოსაზრებებს. JAMnews იტოვებს უფლებას წაშალოს კომენტარები, რომლებსაც შეურაცხმყოფელად ან სხვაგვარად მიუღებლად მიიჩნევს. © JAMnews 2025 – ყველა უფლება დაცულია.