თეთრმა სახლმა განაცხადა, რომ ირანზე სამხედრო დარტყმისთვის მრავალი „მიზეზი და არგუმენტი არსებობს“, მაგრამ დიპლომატია ყოველთვის პირველი ვარიანტია. ეს განცხადება გაკეთდა იმ ფონზე, როდესაც აშშ სწრაფად ზრდის სამხედრო ყოფნას ირანთან ახლოს. ტრამპმა აღნიშნა, რომ შეთანხმების მისაღწევად ირანისთვის მაქსიმალური ვადა 10-15 დღეა. „ირანს არ შეუძლია გააგრძელოს რეგიონის სტაბილურობისთვის საფრთხის შექმნა“, – განაცხადა ტრამპმა. აშშ-მა რეგიონში სამხედრო ძალების გაძლიერება რამდენიმე კვირის წინ დაიწყო, ირანის ხელისუფლების მიერ განხორციელებული რეპრესიების საპასუხოდ. ქვემოთ მოცემულია აშშ-ირანის დაძაბულობის მთავარი განვითარებები: შეერთებული შტატები აგზავნის ათწლეულების განმავლობაში ყველაზე დიდ სამხედრო ძალებს – ხომალდებსა და თვითმფრინავებს – ახლო აღმოსავლეთში. აშშ-მა ავიამზიდი "USS Abraham Lincoln" და სამი მართვადი რაკეტების გამანადგურებელი იანვარში მიმართა ახლო აღმოსავლეთისკენ. დამრტყმელი ჯგუფი, რომელიც დაახლოებით 5,700 სამხედროს მოიცავს, სატელიტურ სურათებზე ომანის სანაპიროებთან, არაბეთის ზღვაში იქნა შემჩნეული. გასულ კვირას რეგიონისკენ მსოფლიოს უმსხვილესი ავიამზიდი, "USS Gerald R. Ford" დაიძრა. ოთხშაბათს მან მოკლედ გადასცა თავისი მდებარეობა, როგორც ატლანტის ოკეანეში, მაროკოს სანაპიროსთან. საზღვაო ახალი ამბების საიტის, Marine Insights-ის ცნობით, ის გიბრალტარის სრუტის გავლით ხმელთაშუა ზღვისკენ მიემართებოდა. "USS Gerald R. Ford"-ის დამრტყმელ ჯგუფს თან ახლავს კიდევ სამი გამანადგურებელი და 5,000-ზე მეტი სამხედრო მოსამსახურე. საინფორმაციო სააგენტო AP-ის ცნობით, ეს რეგიონში საზღვაო ძალების ყოფნას 14 გემამდე გაზრდის. მრავალი თვითმფრინავი გადაიტანეს ევროპისა და ახლო აღმოსავლეთის ბაზებზე. Air and Space Forces magazine-ის ცნობით, აშშ-მა F-15 Strike Eagles და F-16 Fighting Falcons, რომლებიც ჩვეულებრივ ევროპაშია განთავსებული, ახლო აღმოსავლეთში გაგზავნა. ასევე გავრცელდა ინფორმაცია, რომ F-22 Raptors აშშ-დან დიდ ბრიტანეთში გადავიდნენ, სავარაუდოდ, ახლო აღმოსავლეთისკენ მიმავალ გზაზე. აშშ-ს უკვე აქვს F-35 გამანადგურებელი თვითმფრინავების „მრავალი ესკადრილია“ ახლო აღმოსავლეთში, ისევე როგორც F-15-ები. Military Air Tracking Alliance (MATA)-ის თანახმად, რომელიც ფრენების თვალყურის დევნებისთვის ღია წყაროების დაზვერვას იყენებს, გამანადგურებელ თვითმფრინავებთან ერთად, რეგიონისკენ საწვავის ტანკერები და სატვირთო თვითმფრინავებიც მიემართებიან. ოთხშაბათს საღამოს მათ უახლეს განახლებაში, Defense Geek-ის ანგარიშმა, რომელმაც MATA დააფუძნა, განაცხადა, რომ მათ 109 საჰაერო საწვავის შემვსები ტანკერი დაითვალეს. ირანმა გაეროს განუცხადა, რომ რეგიონში „მტრული ძალის“ ბაზებს, ობიექტებსა და აქტივებს ლეგიტიმურ სამიზნეებად ჩათვლის, თუკი სამხედრო აგრესიის წინაშე აღმოჩნდება. აშშ-ის პრეზიდენტ დონალდ ტრამპის რიტორიკა ირანის მიმართ „სამხედრო აგრესიის რეალურ რისკს მოასწავებს“, – განაცხადა ირანის მუდმივმა წარმომადგენლობამ გაეროში, გაეროს გენერალური მდივნის, ანტონიო გუტერეშისადმი გაგზავნილ წერილში. წერილში ასევე აღნიშნულია, რომ მიუხედავად იმისა, რომ ირანს ომი არ სურდა, ქვეყნის სამხედრო ძალები „გადამწყვედად“ უპასუხებენ, თუკი სამხედრო აგრესიის მსხვერპლი გახდებიან. აშშ-ის პრეზიდენტმა დონალდ ტრამპმა განაცხადა, რომ ირანზე დარტყმის გადაწყვეტილების მისაღებად 10-დან 15 დღემდე ვადა საკმარისი იქნება. ეს არის „თითქმის მაქსიმუმი“, რასაც ის ირანს ბირთვულ პროგრამასთან დაკავშირებით შეთანხმების მისაღწევად მისცემდა, – თქვა ტრამპმა. „ჩვენ ან შეთანხმებას მივაღწევთ, ან მათთვის სამწუხარო შედეგი დადგება“, – განუცხადა მან ჟურნალისტებს ხუთშაბათს Air Force One-ის რეისზე. მანამდე, იმავე დღეს ვაშინგტონში, ტრამპმა ირანს მსგავსი ვადები დაუსახელა. „შესაძლოა, ჩვენ შეთანხმებას მივაღწიოთ [ირანთან]. ამას, სავარაუდოდ, მომდევნო 10 დღის განმავლობაში შეიტყობთ“, – განაცხადა მან თავისი საკამათო სამშვიდობო საბჭოს პირველ სხდომაზე სიტყვით გამოსვლისას. „ირანს არ შეუძლია გააგრძელოს მთელი რეგიონის სტაბილურობისთვის საფრთხის შექმნა, მათ უნდა მიაღწიონ შეთანხმებას“, – თქვა ტრამპმა. მან გაიმეორა, რომ ირანს ხელი უნდა შეეშალოს ბირთვული იარაღის ქონაში. ირანი ამტკიცებს, რომ მისი ბირთვული პროგრამა წმინდად სამოქალაქო მიზნებს ემსახურება. „ცუდი ამბები“ მოხდებოდა მნიშვნელოვანი ბირთვული შეთანხმების გარეშე, – განაცხადა ტრამპმა. მეთიუ ჰოჰმა, აშშ-ის საზღვაო ქვეითთა ყოფილმა კაპიტანმა და სახელმწიფო დეპარტამენტის ყოფილმა ოფიციალურმა პირმა, რომელიც ახლა აშშ-ის ანალიტიკურ ცენტრში, საერთაშორისო პოლიტიკის ცენტრში მუშაობს, DW-სთან ისაუბრა პრეზიდენტ დონალდ ტრამპის მიერ ახლო აღმოსავლეთში სამხედრო ძალების გაძლიერებასა და ირანზე აშშ-ის თავდასხმის ალბათობაზე. „ვფიქრობ, ეს სერიოზულია, ეს არ არის ბლეფი. ეს არ არის შოუსთვის. ეს არ არის ხრიკი“, – თქვა მან. „ძალების ტიპი, რომელსაც შეერთებული შტატები ახლო აღმოსავლეთში აგზავნის, ისეთია, რომელსაც შეუძლია განახორციელოს ის ოპერაციები, რაც ვაშინგტონში სურთ.“ მან განაცხადა, რომ აშშ რეგიონში საზღვაო ხომალდების, გამანადგურებელი თვითმფრინავებისა და სხვა საჰაერო ხომალდების შთამბეჭდავ რაოდენობას გზავნის. „ჩვენ ვხედავთ ავიამზიდებს, ვხედავთ გამანადგურებლებს, ვხედავთ გამანადგურებელ ესკადრილიებს. მაგრამ, რაც უფრო მნიშვნელოვანია, თქვენ ხედავთ სპეციალიზებულ თვითმფრინავებს“, – თქვა ჰოჰმა. „ელექტრონული ომის თვითმფრინავებს და მართვისა და კონტროლის თვითმფრინავებს აშშ-ის საჰაერო ძალები რეგიონში მხოლოდ იმ რაოდენობით შეიყვანს, რა რაოდენობითაც შეჰყავს, თუ ისინი სერიოზულად აპირებენ მათ გამოყენებას.“ ჰოჰმა ასევე აღნიშნა, რომ აშშ-ის მასიური სამხედრო გაძლიერება, სავარაუდოდ, გაართულებს დიპლომატიურ ძალისხმევას, მიაღწიოს ახალ შეთანხმებას ირანის ბირთვული პროგრამის შეზღუდვის შესახებ. „ირანელების გონებაში პირველ რიგში უნდა იყოს ის, შეუძლიათ თუ არა მათ…“